ADRENALÍNGARÐURINN

Á NESJAVÖLLUM

SKEMMTUN · ÁSKORUN · FJÖR · FYRIR ALLA

HÓPADAGSKRÁ

Einstaklingar & Fjölskyldur

FRÁBÆR SKEMMTUN Í STÓRBROTNU UMHVERFI

Fyrirtaks samverustund í fallegu umhverfi. Adrenalíngarðuinn býður upp á margar geggjaðar áskoranir við allra hæfi.
Þorir þú?

STARFSMANNAHÓPAR

Hópar

SKEMMTUN FYRIR HÓPA AF ÖLLU TAGI...

Adrenalíngarðurinn hefur fyrir löngu sannað sig sem frábær kostur fyrir starfsmannahópa. Þrautirnar í Adrenalíngarðinum henta einkar vel til að hrista hópinn saman, en ekki síður til að eiga góða samverustund og njóta útivistar í fallegu umhverfi.

VINAHÓPAR

OFFERS

NJÓTTU ALLS ÞESS SEM SVÆÐIÐ HEFUR UPPÁ AÐ BJÓÐA

Adrenalingarðurinn hefur fyrir löngu sannað sig sem frábær kostur fyrir starfsmannahópa. Þrautirnar í Adrenalíngarðinum henta einkar vel til að hrista hópinn saman, en ekki síður til að eiga skemmtilegan dag og njóta útivistar í fallegu umhverfi.

VINAHÓPAR

ÆVINTÝRI OG FONTANA

VINAHÓPAR

RISARÓLAN OG KÖFUN Í SILFRU

AÐSTAÐAN

Adrenalingarðurinn er stöðugt í endurnýjun og sumarið 2021 var skipt um kerfi í garðinum sem býður uppá þann möguleika að nú geta fleira verið í hverri þraut á sama tíma og þannig hjálpast að við að komast yfir. Eins hefur þrautum verið bætt við og/eða breytt.

Við Adrenalíngarðinn er að finna lítið upphitað þjónustuhús og stendur ti að bæta þá aðstöðu enn frekar.

Þurrsalerni er á staðnum.

Vegna tilmæla frá Orkuveitu Reykjavíkur getum við ekki mælt með því að vaða í læknum, sem rennur við Adrenalíngarðinn. Um er að ræða affall frá Hellisheiðarvirkjun og við vörum við því að hitastigið getur hækkað mjög snögglega í það vera hættulegt!

 Næsti veitingastaður við Adrenalíngarðinn er á Ion hóteli, sem er í um 700 m fjarlægð.

ADRENALÍNGARÐURINN ER STÆRSTI OG EINI ÞRAUTAGARÐUR SINNAR TEGUNDAR Á ÍSLANDI!

Adrenalíngarðurinn er aðeins um 35 km frá höfuðborgarsvæðinu.

Adrenalíngarðurinn býður upp á skemmtilega afþeyingu og útivist, bæði fyrir fullorðna og börn.
Þrautabrautin samanstendur af 50 þrautum ásamt 85m langri sviflínu (zip-line). Þrautirnar eru mismunandi og  reyna á ólíka þætti svo sem jafnvægi, styrk, einbeitingu, útsjónarsemi og samvinnu. Þrautirnar eru við flestra hæfi, bæði léttar og krefjandi en við leggjum mikla áherslu á að allir finni þá áskorun sem hentar hverju sinni.
Risarólan sívinsæla hentar öllum en hún er sú hæsta á landinu. Í Risarólunni gefst fólki tækifæri til að láta hífa sig upp í allt að 12 m hæð og sleppa síðan…ekki missa af þessu.

Fyrir hópa höfum við Staurinn, sem er 12 metra hár og felur í sér ógleymanlega lífsreynslu fyrir þá sem þora. Stemningin sem myndast þegar einhver úr hópnum „leggur í’ann“ er einstök. 
AÐSTAÐAN 2
ÖRYGGI

ÖRYGGI

ÖRYGGI SKIPTIR OKKUR ÖLLU MÁLI!

Adrenalíngarðurinn er meðlimur í evrópskum samtökum hábrauta og fylgir því ítrustu kröfum um öryggisbúnað, þjálfun starfsfólks og öryggi þátttakenda. Öryggisbúnaðurinn í garðinum er endurnýjaður reglulega og var allur búnaður  endurnýjaður í júlí 2021.

ADRENALÍNGARÐURINN ER Á NESJAVÖLLUM Í 35 MÍNÚTNA AKSTURSFJARLÆGÐ FRÁ REYKJAVÍK

Adrenalíngarðurinn er staðsettur á Nesjavöllum, um einn km frá Nesjavallavirkjun.

Stysta leiðin í Adrenalíngarðinn frá Reykjavík er um Nesjavallaleið og tekur u.þ.b. 35 mín. í akstri:

Akið eftir Suðurlandsvegi, þjóðvegi 1, frá Reykjavík í átt að Selfossi fram hjá Rauðavatni. Um 3 kílómetrum frá Rauðavatni er beygt til vinstri inn á Nesjavallaleið, veg 435, og ekið sem leið liggur veginn á enda. Þegar komið er niður af Henglinum þá er beygt til hægri inn á veg 360 og svo aftur til hægri eftir 1 km inn á afleggjarann inn að Nesjavallavirkjun.

Frá Höfðabakkabrú eru 38 km á Nesjavelli.