ADRENALÍNGARÐURINN

Á NESJAVÖLLUM

FJÖR FYRIR ALLA FJÖLSKYLDUNA

HÓPADAGSKRÁ

EINSTAKLINGAR / FJÖLSKYLDUR

FRÁBÆR SKEMMTUN Í STÓRBROTNU UMHVERFI

Adrenalíngarðurinn er stærsti og eini þrautagarður sinnar tegundar á Íslandi, staðsettur í fallegu umhverfi Nesjavalla, aðeins um 35 km frá höfuðborgarsvæðinu.

Staðurinn býður upp á skemmtilega afþeyingu og útivist, bæði fyrir fullorðna og börn. Í garðinum er að finna fjöldann allan af mismunandi þrautum sem reyna á ólíka þætti svo sem jafnvægi, styrk, einbeitingu, útsjónarsemi og samvinnu. Þrautirnar eru við flestra hæfi, bæði léttar og krefjandi en við leggjum mikla áherslu á að allir finni þá áskorun sem hentar hverju sinni. 

Áskorun að eigin vali

Tímabil og opnunartími:  Sjá bókunarvél.

Verð: Mismunandi eftir dögum, sjá nánar á bókunarvélinni.

Í bókunarvélinni skráir þú þig í Þrautabrautina en hægt er að bæta við Risarólunni í skrefi tvö við bókun.

Nánari lýsing:

Þrautabrautin inniheldur um 50 mismunandi þrautir í 1m, 5m og 10m hæð, ásamt sviflínu (zip-line). Prófaðu… þú sérð ekki eftir því.

Risarólan er 12m há og sú hæsta á Íslandi. Við hífum þig upp í þá hæð sem þú vilt og þú togar í spottann… ekki missa af þessu.

Tími: 1 – 2 tímar, fer eftir dagskrá, fjölda í garðinum og áhuga þátttakanda 🙂

Krakkar, 6 – 9 ára, þurfa að vera í fylgd með fullorðnum sem aðstoða þá í Þrautabrautinni. Í bókunarvélinni er valið sér fyrir einn krakka og einn fullorðinn saman (og gildir sá miði því fyrir tvo).

Ef barn, 10 – 15 ára, er mjög lágvaxið þá þarf fjölskyldumeðlimur að aðstoða það í brautinni. 

Klifurbúnaður er ekki vottaður fyrir meiri þyngd en 120 kg og samkvæmt Evrópustaðli getum við ekki tekið á móti þyngri einstaklingum í garðinn.  

Eitthvað við allra hæfi
AFMÆLI
ÖRYGGI

ÖRYGGI

ÖRYGGI SKIPTIR OKKUR ÖLLU MÁLI!

Adrenalíngarðurinn er meðlimur í evrópskum samtökum þrautabrauta (rope course) ERCA og fylgir því ítrustu kröfum og Evrópustöðlum um byggingu garðsins, öryggisbúnað, þjálfun starfsfólks og öryggi þátttakenda. Öryggisbúnaðurinn í garðinum er yfirfarinn reglulega og var allur búnaðurinn endurnýjaður í júlí 2021 og nýtt öryggiskerfi tekið í notkun.

Athugið að klifurbúnaður er ekki vottaður fyrir meiri þyngd en 120 kg og samkvæmt Evrópustaðli getum við ekki tekið á móti þyngri einstaklingum í garðinn.


AÐSTAÐAN

Vegna tilmæla frá Orkuveitu Reykjavíkur getum við ekki mælt með því að vaða í læknum, sem rennur við Adrenalíngarðinn. Um er að ræða affall frá Hellisheiðarvirkjun og við vörum við því að hitastigið getur hækkað mjög snögglega í það vera hættulegt!

 

FYRIRTAKS SKEMMTUN FYRIR HÓPA AF ÖLLU TAGI...

AdrenalÍngarðurinn er stöðugt í endurnýjun og sumarið 2021 var skipt um öryggiskerfi í garðinum sem býður upp á þann möguleika að nú geta fleira verið í hverri þraut á sama tíma og þannig hjálpast að við að komast yfir. Eins hefur þrautum verið bætt við og/eða breytt.

Við Adrenalíngarðinn er að finna lítið upphitað þjónustuhús og stendur til að bæta þá aðstöðu enn frekar.

Þurrsalerni er á staðnum.

AÐSTAÐAN 2

ADRENALÍNGARÐURINN ER Á NESJAVÖLLUM Í 35 MÍNÚTNA AKSTURSFJARLÆGÐ FRÁ REYKJAVÍK

Adrenalíngarðurinn er staðsettur á Nesjavöllum, um einn km frá Nesjavallavirkjun.

Stysta leiðin í Adrenalíngarðinn frá Reykjavík er um Nesjavallaleið og tekur u.þ.b. 35 mín. í akstri:

Akið eftir Suðurlandsvegi, þjóðvegi 1, frá Reykjavík í átt að Selfossi fram hjá Rauðavatni. Um 3 kílómetrum frá Rauðavatni er beygt til vinstri inn á Nesjavallaleið, veg 435, og ekið sem leið liggur veginn á enda. Þegar komið er niður af Henglinum þá er beygt til hægri inn á veg 360 og svo aftur til hægri eftir 1 km inn á afleggjarann inn að Nesjavallavirkjun.

Frá Höfðabakkabrú eru 38 km á Nesjavelli.